Türkiyə hökumətinin növbəti iclası keçirilib
Ankara, 3 noyabr, AZƏRTAC
Prezident Rəcəb Tayyib Ərdoğanın sədrliyi ilə Türkiyə hökumətinin növbəti iclası keçirilib.
AZƏRTAC xəbər verir ki, İzmirdə baş verən son dağıdıcı zəlzələnin ağır nəticələri və fəsadlarının aradan qaldırılması üçün görülən kompleks tədbirlər barədə geniş məlumat verilib.
Yüz on nəfərin dağıntılar altından cansız çıxarıldığını, 833-ü xəstəxanadan buraxılmaqla 1027 nəfərin yaralandığını diqqətə çatdıran dövlət başçısı bildirib ki, təbii fəlakət nəticəsində evsiz qalan vətəndaşlar üçün konteyner şəhər salınacaq. Prezident Rəcəb Tayyib Ərdoğan həmçinin, zəlzələ nəticəsində evsiz qalan vətəndaşlar üçün binaların tikintisi, digər sosial-iqtisadi məsələlər, eləcə də koronovirus infeksiyası ilə mübarizə tədbirlərinə dair hökumətin qərarları barədə ictimaiyyəti məlumatlandırıb.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
