Türkiyə mediası: Azərbaycan seçicisi növbəti dəfə siyasi iradəsini azad şəkildə ifadə etdi
Ankara, 24 dekabr, AZƏRTAC
Dekabrın 23-də Azərbaycanda keçirilmiş bələdiyyə seçkiləri Türkiyə mediası tərəfindən diqqətlə izlənilib.
Seçkilərin azad və ədalətli keçirilməsi üçün görülən işlərdən, səsvermənin şəffaflığının təmin edilməsi məqsədi ilə həyata keçirilən tədbirlərdən bəhs edən Türkiyə KİV-ləri yazır ki, bütün məntəqələr seçicilərin öz siyasi iradələrini azad şəkildə ifadə etmələri üçün zəruri şəraitlə təmin olunmuşdu.
Seçici fəallığı, səsvermənin izlənilməsi üçün kütləvi informasiya vasitələri nümayəndələrinə yaradılan şərait, namizədləri təmsil edən şəxslər və müşahidəçilərin hüquqlarının qorunması məsələləri də qardaş ölkə mediasının məlumatlarında yer alıb.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
