Türkiyə Prezidenti Rusiya və Ukrayna liderləri ilə “Taxıl dəhlizi”ni müzakirə edəcək
Ankara, 9 dekabr, AZƏRTAC
Türkiyə Prezidenti Rəcəb Tayyib Ərdoğan dekabrın 11-də Rusiya Prezidenti Vladimir Putin və Ukrayna Prezidenti Volodimir Zelenski ilə “Taxıl dəhlizi”ni genişləndirmək yollarını müzakirə edəcək.
AZƏRTAC xəbər verir ki, bu məlumatı Türkiyənin dövlət başçısı “TRT World” Forumundakı çıxışında verib.
Rusiya-Ukrayna savaşının dünyada qida böhranı yaratdığını diqqətə çatdıran Prezident Rəcəb Tayyib Ərdoğan əvvəldən bəri bu problemin Ukraynanın ərazi bütövlüyü çərçivəsində sülh yolu ilə həllində maraqlı olub, sülh üçün böyük səylər göstərib və mövqeyi dəyişməzdir.
Dövlət başçısı çıxışında gündəlikdə olan digər məsələlərə münasibət bildirməklə bərabər TRT və onun qurumlarının fəaliyyətini yüksək dəyərləndirib.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
