Türkiyə Superliqası: “Konyaspor”-"Akhisarspor" qarşılaşması qolsuz bərabərliklə başa çatıb
Bakı, 26 may, AZƏRTAC
Futbol üzrə Türkiyə Superliqasının sonuncu turu çərçivəsində keçirilən oyunda "Akhisarspor" səfərdə "Konyaspor"un qonağı olub.
AZƏRTAC xəbər verir ki, "Konya Böyükşəhər" stadionunda baş tutan görüş hər iki tərəfin qarşılıqlı hücumları ilə yadda qalsa da, oyunda qapılara qol vurulmayıb. Beləliklə, "Konyaspor" çempionatı 44 xalla 4-cü pillədə başa vurub. "Akhisarspor" isə xallarının sayını 27-ə çatdırsa da, turnir cədvəlinin sonuncu pilləsindən çıxa bilməyib.
Türkiyə Superliqasında sonuncu turun digər oyunları mayın 26-da keçiriləcək.
Bölmənin digər xəbərləri
