İstanbul, 18 fevral, AZƏRTAC

Türkiyənin təhlükəsizlik xidmətlərinin, Ədliyyə Nazirliyinin və Türk Silahlı Qüvvələrinin FETÖ terror təşkilatı ilə əlaqəsi olmaqda şübhəli bilinən 476 əməkdaşının saxlanılması istiqamətində əməliyyat keçirilib.

AZƏRTAC xəbər verir ki, bu məqsədlə 67 şəhərdə reallaşdırılan əməliyyatlar nəticəsində şübhəli bilinən şəxslərin böyük əksəriyyəti saxlanılıb. Onların 2009-cu ildə keçirilmiş dövlət təhlükəsizlik xidmətlərinə qəbul imtahanlarında FETÖ tərəfindən edilən saxtakarlıq yolu ilə qulluğa qəbul olunduqları bildirilir.

Bu istiqamətdə əməliyyatlar davam etdirilir.

Günel Məlikova

AZƏRTAC-ın xüsusi müxbiri

İstanbul