Türkiyə və Gürcüstanın parlament sədrləri regiondakı vəziyyəti müzakirə ediblər
Tbilisi, 29 sentyabr, AZƏRTAC
Gürcüstan parlamentinin sədri Şalva Papuaşvili Türkiyə Böyük Millət Məclisinin sədri Numan Kurtulmuş ilə görüşüb.
Bu barədə AZƏRTAC-a Gürcüstan Parlamentinin mətbuat xidmətindən məlumat verilib.
Bildirilib ki, görüşdə hər iki ölkənin parlamentləri arasında əməkdaşlığın perspektivləri diqqət mərkəzində olub.
Söhbət zamanı iki ölkə arasında strateji tərəfdaşlıq məsələləri də müzakirə olunub, həmçinin müxtəlif sahələrdə əməkdaşlıqdan danışılıb.
Türkiyə və Gürcüstan parlamentlərinin sədrləri Cənubi Qafqaz regionunda baş verən hadisələri müzakirə ediblər. Bu baxımdan parlament diplomatiyasının əhəmiyyətini vurğulayıblar.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
