Türkiyə XİN: AŞPA-nın Azərbaycanla bağlı qərarı təmsilçilik hüququna ziddir
İstanbul, 16 fevral, AZƏRTAC
Türkiyənin Xarici İşlər Nazirliyi Avropa Şurası Parlament Assambleyasının (AŞPA) Azərbaycan nümayəndə heyətinin etimadnaməsini təsdiqləməməsi ilə bəyanat yayıb.
AZƏRTAC xəbər verir ki, bəyanatda Türkiyə XİN-in AŞPA tərəfindən Azərbaycan nümayəndə heyətinin mandatının təsdiq edilməməsi barədə qərarın təəssüflə qarşılandığı bildirilib.
Qeyd edilib ki, bu qərar demokratik dəyərlərə uyğun gəlmir və təmsilçilik hüququna ziddir. Aydındır ki, əməkdaşlıq və dialoq kanallarının bağlanması mənasını verən bu addım regionda sülhün və sabitliyin təmin olunmasına xidmət etməyəcək.
Türkiyə AŞPA-nı bu səhvi tez bir zamanda düzəltməyə və Cənubi Qafqazda sülh səylərinə diqqət yetirməyə çağırıb.
Bölmənin digər xəbərləri
