Türkiyədə Xocalı soyqırımının 21-ci ildönümü ilə bağlı silsilə tədbirlər keçiriləcəkdir

20.02.2013 [20:52]
Çap et
A⁺ A^-

Ankara, 20 fevral (AZƏRTAC). Türkiyənin müxtəlif şəhərlərində Xocalı soyqırımının 21-ci ildönümü ilə bağlı tədbirlər keçiriləcəkdir.

Azərbaycanın Türkiyədəki səfirliyinin təşkilatçılığı ilə Ankaranın Kızılcahamam rayonunda, Giresun Universitetində, Elazığ şəhərində yerləşən Fırat Universitetində, Türkiyə Aviasiya Akademiyasında , Qazi Universitetində və Polis Akademiyasında, Türkiyə Dövlət İşçiləri İnkişaf və Həmrəylik Fondu (TÜRKAV) ilə birgə türk ocaqlarında anma mərasimləri və konfranslar keçiriləcəkdir.

Azərbaycanın İstanbuldakı baş konsulluğu və diaspor təşkilatları da Xocalı soyqırımı ilə bağlı şəhərin meydanlarında yürüş, anma mərasimi və konfrans keçirəcəklər.

İzmir, Kocaeli və digər şəhərlərdə də tədbirlər təşkil olunacaqdır.

Xocalı soyqırımı ilə bağlı tədbirlərdə iki ölkənin dövlət və hökumət nümayəndələri, Türkiyə Böyük Millət Məclisinin deputatları, alimlər və Türkiyədə yaşayan həmvətənlərimiz iştirak edəcəklər.

Oqtay Bayramov

AZƏRTAC-ın xüsusi müxbiri

Ankara