TÜRKİYƏDƏKİ AZƏRBAYCAN TƏŞKİLATLARINDAN FRANSAYA ETİRAZ
Azərbaycan icmalarının yaydığı bəyanatda deyilir ki, Azərbaycan torpaqlarının 20 faizini işğal etmiş erməni silahlı birləşmələri çox yaxın keçmişdə - 1992-ci ilin fevralında Xocalı şəhərində yüzlərlə insanın ölümünə, min nəfərdən çox adamın itkin düşməsinə, sağlamlığını itirməsinə səbəb olan soyqırımı aktı törətmişlər. Ermənistanın işğalçılıq siyasəti nəticəsində hazırda bir milyondan çox azərbaycanlı öz doğma yurd-yuvalarından didərgin düşmüşdür. Dünya ictimaiyyəti ermənilərin törətdikləri bu soyqırımı aktına və işğal faktına layiqli qiymət verməli, cinayətkarlar və terrorçular ciddi cəzalandırılmalıdırlar.
Azərbaycan münaqişənin sülh yolu ilə həllinə tərəfdardır və bunu dəfələrlə bəyan etmişdir. Ermənistan da öz çirkin əməllərindən, işğalçılıq siyasətindən və beynəlxalq hüquq normalarına zidd hərəkətlərdən geri çəkilərək işğal etdiyi ərazilərimizi təcili surətdə azad etməlidir.
Hamı bilməlidir ki, türkün yolu və düçüncəsi “Yurdda sülh, dünyada sülhdür”.
Azərbaycan icmalarının bəyanatında bir daha bildirilir ki, erməni terrorçularının müasir dövrdə törətdikləri cinayətlərə göz yuman Fransa parlamentinin yüz il bundan əvvəl baş verdiyi iddia edilən, lakin tarixi faktlarla təsdiq olunmayan “erməni soyqırımı” yalanları barədə qanun qəbul etməsi heç bir məntiqə sığmır və tarixdə heç bir erməni soyqırımı olmamışdır.
Bölmənin digər xəbərləri
