TÜRKMƏNİSTANDA UZUN SAÇ, BIĞ VƏ SAQQAL SAXLAMAQ QADAĞANDIR
AZƏRTAC-ın xüsusi müxbiri xəbər verir ki, Türkmənistan Prezidenti Saparmurat Niyazov gənc oğlanlara uzun saç, bığ və saqqal saxlamağı qadağan edən fərman imzalamışdır. Fərmanın yerinə yetirilməsinə Maarif Nazirliyi nəzarət edəcək. Televiziya ilə çıxış edən prezident demişdir ki, bundan sonra gənc oğlanlara uzun saç, bığ və saqqal saxlamağa icazə verilməyəcək.
Aşqabadda saqqal saxlamaq dəbdədir və çox güman ki, fərmanın həyata keçirilməsi paytaxtdan başlayacaq.
S.Niyazov hələ indiyədək öz vətəndaşlarının şəxsi həyatına bu dərəcədə müdaxilə etməmişdi.
Türkmənistanda avtomobillərdə maqnitofona qulaq asmaq, küçələrdə siqaret çəkmək də qadağandır.
Bölmənin digər xəbərləri
