Ucarda baş verə biləcək daşqınlara və sel sularına qarşı qabaqlayıcı tədbirlər görülür
Ucar, 9 aprel (AZƏRTAC). Baş verə biləcək daşqınlara və sel sularına qarşı Ucar rayonunda qabaqlayıcı tədbirlər həyata keçirilir. Rayon icra hakimiyyətindən AZƏRTAC-a verilən məlumatda göstərilir ki, ötən il yaz aylarında təbii fəlakət həm sakinlərə, həm də rayonun iqtisadiyyatına, xüsusilə də kənd təsərrüfatına ciddi ziyan vurmuşdu. Rayonun ərazisindən keçən Türyançay və Göyçay çaylarındakı daşqın və sızmalar ətraf yaşayış məntəqələrində bir sıra evləri, həyətyanı əraziləri və əkin sahələrini basmışdı.
Mümkün təbii fəlakətlərin qarşısını almaq məqsədilə hazırda rayonda ciddi tədbirlər həyata keçirilir. İstər Türyançay, istərsə də Göyçay çaylarının sağ və sol sahillərindəki daha təhlükəli Qazyan, Lək və Şahlıq kəndlərində bəndlər təmir edilmiş, 40 kilometrdə sahilbərkitmə işləri görülmüşdür.
Hazırda bəndlərin möhkəmləndirilməsi və sahilbərkitmə işləri davam etdirilir.
Bölmənin digər xəbərləri
