Ucarda oğurluq edən iki nəfər saxlanılıb
Bakı, 4 fevral, AZƏRTAC
Ucar Rayon Polis Şöbəsinin əməkdaşları tərəfindən keçirilən tədbirlərlə rayon ərazisində yerləşən mağazaların birindən oğurluq edən Rüstəm İbrahimov və Tərlan Abbasov saxlanılıblar.
Daxili İşlər Nazirliyinin mətbuat xidmətindən AZƏRTAC-a verilən məlumata görə, gecə saatlarında qara maska ilə mağazaya daxil olan oğrular oradan 1500 manatdan artıq pulu ələ keçirərək öz aralarında bölüblər.
Bundan əlavə, R.İbrahimovun bir müddət əvvəl də eyni mağazadan analoji cinayət əməlini törətdiyi və zərərçəkmişə 3 min manatdan artıq maddi ziyan vurduğu müəyyən edilib.
Faktla bağlı cinayət işi başlanılıb, saxlanılanlar barəsində həbs qətimkan tədbiri seçilib.
Bölmənin digər xəbərləri
