UEFA Çempionlar Liqasının qrup mərhələsinin ikinci turunun statistik göstəriciləri
Bakı, 4 oktyabr, Nicat Məmmədov, AZƏRTAC
UEFA Çempionlar Liqasının 2018-2019-cu il mövsümünün qrup mərhələsinin oktyabrın 2-də və 3-də keçirilən ikinci turu çərçivəsində oynanılan 16 oyunda qapılara ümumilikdə 49 top vurulub.
AZƏRTAC xəbər verir ki, qollardan 23-ü turun birinci, 26-sı isə ikinci günündə vurulub.
UEFA Çempionlar Liqasının ikinci turunda 8 oyunda meydan sahibləri, beşində isə qonaq komandalar qalib gəliblər. Üç oyunda isə heç-heçə qeydə alınıb.
Oyunlarda futbolçulara 67 sarı və 3 qırmızı vərəqə göstərilib. Yalnız bir oyunda - “Borussiya Dortmunt” - “Monako” matçında 11 metrlik cərimə zərbəsi təyin edilib.
Qeyd edək ki, UEFA Çempionlar Liqasının qrup mərhələsinin üçüncü turunun görüşləri oktyabrın 23-də və 24-də oynanılacaq.
Bölmənin digər xəbərləri
