UEFA Çempionlar Liqasının səkkizdəbir final mərhələsinin püşkü atılıb
Bakı, 11 dekabr, AZƏRTAC
Bu gün UEFA-nın İsveçrənin Nyon şəhərindəki mənzil-qərargahında futbol üzrə UEFA Çempionlar Liqasının səkkizdəbir final mərhələsinin püşkü atılıb.
AZƏRTAC xəbər verir ki, qitənin ən nüfuzlu klub turnirində mübarizə aparan 16 komanda 8 cütlük təşkil edib.
Püşkün nəticəsi aşağıdakı kimidir:
“Yuventus” (İtaliya) - “Tottenhem” (İngiltərə)
“Bazel” (İsveçrə) - “Mançester Siti” (İngiltərə)
“Porto” (Portuqaliya) - “Liverpul” (İngiltərə)
“Sevilya” (İspaniya) - “Mançester Yunayted” (İngiltərə)
“Real” (İspaniya) - PSJ (Fransa)
“Şaxtyor” (Ukrayna) - “Roma” (İtaliya)
“Çelsi” (İngiltərə) - “Barselona” (İspaniya)
“Bavariya” (Almaniya) - “Beşiktaş” (Türkiyə)
Qeyd edək ki, səkkizdəbir finalın ilk görüşləri gələn il fevralın 13-14-də və 20-21-də, cavab matçları isə martın 6-7-də və 13-14-də təşkil olunacaq.
Bölmənin digər xəbərləri
