UKRAYNA MƏTBUATININ SƏHİFƏLƏRİNDƏ AZƏRBAYCAN İRPENİ
Qəzet yazır ki, İrpen vilayət tabeçiliyində olan şəhər statusunu 41 il bundan əvvəl almışdır. İndi şəhərdə 40 mindən artıq əhali yaşayır. Əvvəllər İrpendə 50-dən çox sanatoriya, istirahət evi və pioner düşərgəsi var idi.
Şəhər icra hakimiyyəti başçısının birinci müavini Nikolay Qolovkeviç deyir:
-Şəhərimizdə bir dənə də olsun abad, sahmanlı park yox idi. Buna görə də biz parkları qaydaya salmaq qərarına gəldik... Mərkəzi parkda attraksionlar yerləşdirmək fikrindəyik. Elə oradaca Azərbaycanın indiki Prezidenti İlham Əliyevin anası Zərifə Əliyevanın abidəsi ucaldılacaqdır. İrpendə Taras Şevçenkonun abidəsini hədiyyə etmiş Azərbaycan diasporu yaşayır.
Xatırladaq ki, “Zərifə-park” hazırda Azərbaycanın Ukraynadakı səfirliyi sayəsində abadlaşdırılır. Xalqımızın şanlı qızı, görkəmli alim – oftalmoloq, akademik Zərifə Əziz qızı Əliyevanın abidəsı bizim diplomatik nümayəndəliyimizin sifarişi ilə hazırlanır.
Bölmənin digər xəbərləri
