Ukrayna və Çexiya müdafiə sənayesi sahəsində iki saziş imzalayıb
Kiyev, 17 iyul, AZƏRTAC
Ukrayna və Çexiya müdafiə sənayesində iki saziş imzalayıb. Söhbət patronlar və “Colt” hücum silahlarının istehsalı haqqında gedir.
AZƏRTAC xəbər verir ki, bu barədə Ukraynanın Baş naziri Denis Şmıqal çexiyalı həmkarı Petr Fiala ilə mətbuat konfransında bildirib.
Onun sözlərinə görə, Fiala ilə görüşdə Ukrayna qoşunları üçün yeni silah növlərinin tədarükü, hərbi heyətin hazırlığı və reabilitasiyası məsələləri və yeni birgə layihələr müzakirə edilib. Bundan əlavə, müdafiə sahəsində iki yeni saziş imzalanıb.
“Bu gün müdafiə sənayesi sahəsində iki mühüm saziş imzalanıb. Ukraynada patron istehsalı üzrə yeni zavod tikiləcək. Saziş “Sellier & Bellot” və “Ukroboronservis” arasında bağlanılıb”, - deyə Şmıqal bəhs edib.
İkinci imzalanmış saziş Ukraynada “Colt” şirkətinin hücum tüfənglərinin istehsalıdır. Bu saziş “Ceska Zbrojovka” və müvafiq Ukrayna müəssisəsi arasında bağlanılıb. Təhlükəsizlik məsələsini nəzərə alaraq, Şmıqal müəssisənin adını açıqlamayıb.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
