Ulu Öndər Heydər Əliyevin 100 illik yubileyi Livanda da qeyd edilib
Bakı, 10 may, AZƏRTAC
Ulu Öndər Heydər Əliyevin anadan olmasının 100 illiyi ilə bağlı Livanda keçirilən tədbirlər çərçivəsində bu ölkənin Şimali Akkar quberniyasının Kavaşra liseyində “Azərbaycan otağı”nın açılışı olub.
Liseyin şagird və müəllimlərinin iştirak etdiyi tədbirdə Azərbaycanın Livandakı səfiri Səməd Həsənov və təhsil müəssisəsinin rəhbərləri qırmızı lenti kəsiblər.
Açılışın ardından Ümummilli Lider Heydər Əliyevin həyat və fəaliyyətinə həsr olunmuş ərəb dilində videoçarx nümayiş etdirilib.
Sonra ölkəmizin Livandakı səfiri Səməd Həsənov çıxış edərək Heydər Əliyev şəxsiyyətinin müasir Azərbaycanın taleyindəki tarixi missiyasından danışıb, onun xatirəsinə və zəngin irsinə göstərilən bu ehtirama görə Livan xalqına və dövlətinə təşəkkürünü bildirib. Həmçinin tədbir iştirakçılarına səfirlik tərəfindən Ümummilli Liderlə bağlı ərəb və ingilis dillərində hazırlanmış bukletlər paylanıb.
Bölmənin digər xəbərləri
