Ulu Öndərin zəngin irsinin öyrənilməsi hər bir tədqiqatçının ən ümdə vəzifəsidir
Bakı, 8 dekabr, AZƏRTAC
AMEA-nın Mərkəzi Elmi Kitabxanasında (MEK) Heydər Əliyev lektoriyasının “Heydər Əliyev siyasi irsinin fəlsəfəsi” mövzusunda növbəti məşğələsi keçirilib.
MEK-dən AZƏRTAC-a bildirilib ki, iştirakçılar əvvəlcə kitabxananın foyesində ümummilli lider Heydər Əliyevin büstü önünə gül dəstələri düzüb, dahi rəhbərin əziz xatirəsini bir dəqiqəlik sükutla yad ediblər.
Tədbirdə çıxış edənlər ümummilli lider Heydər Əliyevin çoxəsrlik dövlətçilik tariximizdə yeni parlaq səhifə açan nadir, bənzərsiz şəxsiyyətlərdən olduğunu vurğulayıb, Ulu Öndərin zəngin irsinin öyrənilməsini hər bir tədqiqatçının, alimin ən ümdə vəzifəsi olduğunu qeyd ediblər. Diqqətə çatdırılıb ki, Heydər Əliyevin dövlətçilik fəaliyyətindəki zəngin irsi ölkəmizin bugünkü və gələcək inkişafı üçün möhkəm təməlin əsas fundamenti kimi artıq öz təzahürünü tapıb.
Tədbirdə Ulu Öndərin siyasi irsinə dair zəngin kitab sərgisinə baxış keçirilib, dünyaşöhrətli siyasətçi Heydər Əliyevin Azərbaycan xalqının həyatında misilsiz xidmətlərindən bəhs edən video nümayiş olunub.
Bölmənin digər xəbərləri
