UNEC-də yeni rubrika: “Tələbə və məzunlar yazır”
Bakı, 20 noyabr, AZƏRTAC
Azərbaycan Dövlət İqtisad Universiteti (UNEC) yeni təşəbbüsə imza ataraq tələbə və məzunları üçün unec.edu.az saytının xəbər bölməsində (UNECNews) “Tələbə və məzunlar yazır” adlı xüsusi rubrika açıb.
UNEC-dən AZƏRTAC-a bildirilib ki, yeni rubrika tələbə və məzunlara müxtəlif sahələrdəki təcrübələrini, ekspert rəylərini, təhlillərini, maraqlı və aktual mövzularla bağlı yazılarını geniş auditoriya ilə paylaşmaq imkanı yaradır.
Tələbə və məzunlar yazılarını [email protected] ünvanına göndərə bilərlər. Təqdim edilən yazılar aktuallığına və məzmununa görə dəyərləndirilərək oxucuların diqqətinə çatdırılacaq.
UNEC aktual və maraqlı mövzularda yazılarını, məşğul olduqları sahə ilə bağlı ekspert rəylərini geniş auditoriyaya çatdırmaq istəyən tələbə və məzunları bu fürsəti dəyərləndirməyə dəvət edir.
Bölmənin digər xəbərləri
