“UNIBANK” AYİB-İN KREDİT XƏTTİ HESABINA YENİ LAYİHƏ MALİYYƏLƏŞDİRMİŞDİR
Kredit xəttinin ayrılması ilə bağlı məsələləri tənzimləyən saziş 2005-ci il dekabrın 19-da imzalanmışdı. Sazişə əsasən, bu istiqamətdə ümumi məbləği 2 milyon ABŞ dolları olan xəttin açılması nəzərdə tutulmuşdur. Bu vəsait hesabına mikrolayihələrin və xırda sahibkarlıq layihələrinin hər birinin maliyyələşdirilməsinə 1 milyon ABŞ dollarının yönəldilməsi planlaşdırılmışdır.
“UniBank” AYİB-lə uzun müddətdir əməkdaşlıq edir. Bu dövr ərzində bank AYİB-dən 5 kredit xətti almışdır. Belə ki, 2002-ci ildə kiçik sahibkarlığın inkişafı üçün banka 1,5 milyon ABŞ dolları həcmində kredit xətti ayrılmış və bu məbləğ 2003-cü ildə ikiqat artırılmışdır.
2005-ci ildə AYİB “UniBank”-a ko-maliyyələşdirmə (həcmi 1 milyon ABŞ dollarından yuxarı olan iri layihələrin birgə maliyyələşdirilməsi) üçün də ümumi həcmi 5 milyon dollar olan kredit xətti təqdim etmişdir. Bu layihə çərçivəsində “UniBank” da öz vəsaitindən 5 milyon dollar ayıracaq, beləliklə, ümumi məbləğ 10 milyon ABŞ dolları təşkil edəcəkdir.
Bölmənin digər xəbərləri
