İQTİSADİYYAT
“UNİBANK” İLİN BİRİNCİ RÜBÜNƏ YEKUN VURDU
Bu ilin birinci rübündə “UniBank”ın aktivləri 135,8 milyard manat təşkil etmişdir. Bankdan AZƏRTAC-ın müxbirinə bildirmişlər ki, bu, ötən ilin müvafiq dövrünə nisbətən 21 faiz çoxdur. Cəlb edilmiş depozitlərin ümumi həcmi 29,9 milyard manatdır. 23,4 milyard manatı fiziki şəxslərin, 6,5 milyard manatı hüquqi şəxslərin payına düşür.
2004-cü ilin ilk üç ayı ərzində bankın portfeli 16 faiz artaraq, 85,7 milyard manat olmuşdur. Bu məbləğin 65,6 milyard manatı biznes-kreditləri, 20,1 milyard manatı isə istehlak kreditləridir.
İlin birinci rübündə bankın gəlirləri 6 milyard manat, xərcləri 4,3 milyard manat təşkil etmişdir. Cari ilin ilk üç ayında bankın mənfəəti 1,7 milyard manat təşkil etmişdir.