Ursula Fon der Lyayen: Avropanın qaz anbarları 90 faizdən çox doludur
Bakı, 12 dekabr, AZƏRTAC
Avropanın yeraltı anbarlarında qaz ehtiyatlarının səviyyəsi 90 faizdən çoxdur və Avropa İttifaqı bu qış üçün enerji təhlükəsizliyini təmin edib.
AZƏRTAC xarici KİV-ə istinadla xəbər verir ki, bu barədə Avropa Komissiyasının rəhbəri Ursula Fon der Lyayen Brüsseldə keçirilən mətbuat konfransında deyib.
“Anbarlarımız 90 faizdən çox doludur. Bu o deməkdir ki, öhdəliyimizi planlaşdırılandan da tez yerinə yetirmişik. Bu qış enerji təhlükəsizliyimiz təmin olunub. Lakin növbəti qış daha mürəkkəb olacaq, Avropa İttifaqına 30 milyard kubmetr qaz kifayət etməyə bilər”, - deyə o bildirib.
Ursula Fon der Lyayen, həmçinin üzv ölkələri müştərək qaz tədarükünü həyata keçirmək üçün Brüsselə mümkün qədər tezliklə mandat verməyə çağırıb.
Bölmənin digər xəbərləri
