Uşanqi Kokauri: Birinci dəfədir ki, dünya çempionatında medal qazanıram
Bakı, 26 sentyabr, AZƏRTAC
Medal qazana bildiyimə görə çox şadam. Birinci dəfədir ki, dünya çempionatında medal qazanıram. Finalda qalib gələcəyimə inanırdım, çox məşq etmişdim, amma alınmadı.
AZƏRTAC xəbər verir ki, bu sözləri Bakıda keçirilən cüdo üzrə dünya çempionatında kişilər arasında 100 kiloqramdan yuxarı çəki dərəcəsində ölkəmizi təmsil edən gümüş medal sahibi Uşanqi Kokauri deyib.
Təmsilçimiz final görüşü barədə təəssüratlarını bölüşərək deyib: “Məğlub olmağıma səbəb yorulmağım oldu. Yorulandan sonra bəzi taktiki səhvlər buraxmağa başladım. Bir anda rəqibimi yıxa bildim, lakin saxlaya bilmədim və o, fənddən çıxa bildi. Buna baxmayaraq çempionatda gümüş medal qazandığım üçün çox sevinirəm”.
Bölmənin digər xəbərləri
