Uşaq, yeniyetmə və gənclər arasında kikboksinq üzrə turnir keçiriləcək
Bakı, 2 aprel, AZƏRTAC
Aprelin 9-10-da Şağan Olimpiya İdman Kompleksində uşaq, yeniyetmə, kadet və gənclər arasında kikboksinq üzrə turnir keçiriləcək.
AZƏRTAC xəbər verir ki, Aprel şəhidlərinin xatirəsinə həsr olunacaq yarış Suraxanı Rayon Gənclər və İdman İdarəsi, Azərbaycan Kikboksinq Federasiyası və “Vətən” kikboksinq klubunun təşkilatçılığı ilə baş tutacaq.
Yarış kik-layt və lwo-kik sistemi üzrə təşkil olunacaq.
Turnirin təşkilində əsas məqsəd bədən tərbiyəsi və idmanın kütləviliyinin təmin edilməsi, uşaq, yeniyetmə və gənclərdə kikboksinqə marağın artırılması, onlarda vətənpərvərlik hisslərinin gücləndirilməsi və asudə vaxtın səmərəli təşkilindən ibarətdir.
Bölmənin digər xəbərləri
