UŞAQLAR ÜÇÜN TƏHLÜKƏSİZ OYUN MEYDANÇALARI İNŞA EDİLMİŞDİR

19.10.2006 [11:29]
Çap et
A⁺ A^-

AZƏRTAC xəbər verir ki, Azərbaycan Qızıl Aypara Cəmiyyəti və Beynəlxalq Qızıl Xaç Komitəsinin (BQXK) ölkəmizdəki nümayəndəliyi Norveç Qızıl Xaç Cəmiyyətinin dəstəyi ilə ötən il cəbhə xəttində yerləşən 15 kənddə “Təhlükəsiz oyun meydançası” layihəsini həyata keçirmişdi. Layihə Ermənistan silahlı qüvvələrinin ərazidə basdırdığı mina və digər hərbi sursatların təmizlənməsi ilə uşaqlar üçün təhlükəsiz oyun meydançalarının yaradılmasına xidmət etmişdir.

Cəmiyyət cari ildə də 10 belə meydançanın inşasına dəstək vermiş, 6 kənddə isə məktəb həyətində idman və oyun qurğularının quraşdırılması təmin olunmuşdur. Oktyabrın 19-dan 27-dək Füzuli, Ağdam, Ağcabədi, Goranboy, Qazax, Tovuz və Gədəbəydəki meydançaların açılışı olacaqdır.

Kəndlərin seçilməsi Azərbaycan Qızıl Aypara Cəmiyyətinin və BQXK-nın birgə qiymətləndirməsi, Azərbaycan Respublikası Ərazilərin Minalardan Təmizlənməsi üzrə Milli Agentliyi (ANAMA) ilə məsləhətləşmələr əsasında həyata keçirilmişdir.

2005-ci və 2006-cı illərdə Ağdam, Qazax, Tovuz, Ağcabədi, Füzuli, Xanlar, Goranboy, Tərtər və Gədəbəydə, ümumilikdə, mina təhlükəsi ilə üzləşən 25 kənddə yaşayan uşaqlar üçün oyun meydançaları inşa olunmuşdur.

Azərbaycan Qızıl Aypara Cəmiyyəti minalara qarşı mübarizə tədbirlərini gücləndirmək üçün BQXK ilə əməkdaşlığı davam edəcəkdir.

UŞAQLAR ÜÇÜN TƏHLÜKƏSİZ OYUN MEYDANÇALARI İNŞA EDİLMİŞDİR

MÜƏLLİFLƏ ƏLAQƏ