ÜST elektron siqaretlərin zərəri ilə bağlı xəbərdarlıq edib
Berlin, 1 avqust, AZƏRTAC
Ümumdünya Səhiyyə Təşkilatı elektron siqaretlərə ehtiyatla yanaşır.
AZƏRTAC xəbər verir ki, təşkilatın saytında belə bir məlumat dərc edilib: “Elektron siqaretlərin tərkibində tütün yoxdur, lakin onlar sağlamlıq üçün zərərli və təhlükəlidir”.
Uzun müddət ərzində yalnız iki ölkə - Braziliya və Türkiyə tütün çəkməklə mübarizədə ən yüksək göstəricilərə malik idi. ÜST-nin məlumatına görə, 2021-ci ildə son hesabat dərc olunandan sonra onlara daha iki ölkə - Mavriki və Niderland da qoşulub.
Təşkilat vurğulayır ki, bu araşdırma çərçivəsində yalnız qanunvericiliklə bağlı vəziyyət öyrənilir. Məsələn, ölkələrin 87 faizinin qanunvericiliyində siqaret çəkməyə görə qadağanın pozulduğu təqdirdə cərimələr nəzərdə tutulub. Lakin ölkələrin üçdəbirindən az hissəsi tərəfindən qadağaya riayət olunmasına nəzarət maliyyələşdirilir.
ÜST Avropada siqaret çəkməklə bağlı ölüm hallarının sayının əsassız olaraq çox göstərilməsini qeyd edir. Bildirilir ki, bunun əsas səbəblərindən biri Avropa İttifaqındakı səhiyyə sistemində keyfiyyətsiz idarəetmə və səmərəli profilaktika təşkil olunmamasıdır.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
