ÜZEYİR HACIBƏYOVUN EV MUZEYİ YENİ EKSPONATLARLA ZƏNGİNLƏŞMİŞDİR

29.06.2004 [11:31]
Çap et
A⁺ A^-

Üzeyir Hacıbəyovun ev muzeyindən AZƏRTAC-a daxil olmuş məlumatda bildirilir ki, dahi bəstəkarımızın “Leyli və Məcnun” (1908) və “Koroğlu” (1937) operalarının librettoları Parisdə fransız dilində nəfis tərtibatda nəşr olunmuşdur. Librettolardan ibarət kitabı fransız dilinə “Koroğlu dastanından operayadək” elmi əsərin müəllifi, əslən azərbaycanlı olan Şirin Məlikoff tərcümə etmişdir. Onun kitaba yazdığı ön sözdə Üzeyir bəy Hacıbəyovun həyat və yaradıcılığından bəhs edilmişdir.

Fransız rejissoru Dominik Domyo və aktrisa Selin Bark bu günlərdə Bakıda olarkən librettoların daxil edildiyi həmin kitabı Şirin Məlikoffun xahişi ilə muzeyə təqdim etmişlər.

Muzeylə tanışlıqdan sonra qonaqlara “Leyli və Məcnun” operasının partiturası, müsiqişünas, professor Zemfira Səfərovanın fransız dilində çap olunmuş “Üzeyir Hacıbəyov” monoqrafiyası və Səadət Qarabağlının “Üzeyir Hacıbəyovun publisistikasında musiqi məsələləri” kitabı hədiyyə edilmişdir.

ÜZEYİR HACIBƏYOVUN EV MUZEYİ YENİ EKSPONATLARLA ZƏNGİNLƏŞMİŞDİR

MÜƏLLİFLƏ ƏLAQƏ

Bölmənin digər xəbərləri