ÜZEYİR HACIBƏYOVUN YUBİLEYİ DƏRBƏNDDƏ QEYD OLUNMUŞDUR

06.12.2005 [21:15]
Çap et
A⁺ A^-

AZƏRTAC “Dağıstan” İnformasiya Agentliyinə istinadla xəbər verir ki, Dərbənd rayon mərkəzi kitabxanasında dahi Azərbaycan bəstəkarı Üzeyir Hacıbəyovun anadan olmasının 120 illiyinə həsr edilmiş xatirə gecəsi keçirilmişdir.

Rayon rəhbərliyinin, İctimai təşkilatların nümayəndələrinin, mədəniyyət və incəsənət xadimlərinin, şair və yazıçıların iştirakı ilə keçirilən tədbirdə Dağıstan Dövlət Şurasının üzvü, Dərbənd rayonu icra hakimiyyətinin başçısı Qurban Qurbanov və başqaları Azərbaycan mədəniyyətinin və musiqisinin inkişafında Üzeyir Hacıbəyovun misilsiz xidmətlərindən danışmışlar.

Axırda Azərbaycan Dövlət Dram Teatrının, Dərbənd xalq yaradıcılığı və bədii kollektivlərinin ifasında səhnəciklər və konsert proqramı göstərilmişdir.