Üzgüçülük yarışlarının ikinci gününün qalibləri müəyyənləşib
Bakı, 14 may, AZƏRTAC
“Bakı-2017” IV İslam Həmrəyliyi Oyunlarının üzgüçülük yarışlarının ikinci gününün axşam sessiyası start götürüb.
AZƏRTAC xəbər verir ki, kişilər arasında 200 metr məsafəyə sərbəst üsulla üzmə yarışlarının finalında İordaniya təmsilçisi Kader Qetriç Baqla qalib gəlib. O, finişə 1:45.85 saniyəyə çatıb. İkinci və üçüncü yerləri müvafiq olaraq, türkiyəli üzgüçülər Erge Can Gezmiş (1:50.31 s.) və Doqa Çelik (1:50.44 s.) tutublar.
Kişilər arasında brass üsulu ilə 200 metr məsafəyə üzmə yarışlarının qalibi indoneziyalı Qaqerin Nataniel (2:17.23 s.) olub. Gümüş medalı türkiyəli üzgüçü Alkpan Örnek (2:17.58 s.), bürünc medalı isə suriyalı Azad Albarazi qazanıblar.
Bölmənin digər xəbərləri
