“VIŞKA” NEFTÇİLƏR GÜNÜNƏ XÜSUSİ BURAXILIŞ HƏSR ETMİŞDİR

20.09.2006 [22:18]
Çap et
A⁺ A^-

AZƏRTAC xəbər verir ki, “Vışka” qəzeti 20 sentyabr tarixli nömrəsini Neftçilər gününə həsr etmişdir. 24 səhifəlik xüsusi buraxılışda ümummilli liderimiz Heydər Əliyev tərəfindən işlənib hazırlanmış yeni neft strategiyasının həyata keçirilməsi sahəsində əldə edilmiş nailiyyətlər tanınmış neftçi mütəxəssislərin müsahibə və məqalələrindəki zəngin faktlarla, rəngli fotoşəkillərin, sənədlərin dili ilə geniş əks olunmuşdur.

Dünyanın məşhur dövlət və siyasi xadimlərinin ulu öndər Heydər Əliyev haqqında, “Əsrin müqaviləsi”nin reallığa çevrilməsində onun siyasi iradəsinin həlledici amil olması barədə söylədikləri fikirlər də toplanıb ayrıca səhifələrdə dərc edilmişdir.

Xüsusi buraxılış dövlətimizin yeni neft strategiyasının elmi-nəzəri və əməli əsasları barədə oxucuda dolğun təəssürat yaradır.