Vizəzəmin meşəbəyliyində ağacların qanunsuz kəsildiyi müəyyən edilib
Bakı, 7 sentyabr, AZƏRTAC
Dövlət Ekoloji Təhlükəsizlik və Meşələrin İnkişafı Xidmətləri tərəfindən keçirilən nəzarət tədbirləri zamanı Lənkəran Regional Meşə Təsərrüfatı Mərkəzinin Vizəzəmin meşəbəyliyində ağacların qanunsuz kəsildiyi müəyyən edilib.
AZƏRTAC xəbər verir ki, hər iki qurumun birgə məlumatına əsasən, faktla bağlı akt tərtib olunub və təbiətə dəymiş ziyanın məbləği cinayət tərkibi yaratdığından məsələyə hüquqi qiymət verilməsi üçün toplanmış sənədlər Azərbaycan Respublikası Baş Prokurorluğuna göndərilib.
Bölmənin digər xəbərləri
