Voleybol üzrə Azərbaycan çempionatının oyunu xəstəliyə görə təxirə salınıb
Bakı, 6 dekabr, AZƏRTAC
Kişi voleybolçular arasında Azərbaycan çempionatında bu gün keçirilməsi nəzərdə tutulan “Xarı Bülbül Laçın” - “Neftçi” matçı təxirə salınıb.
Azərbaycan Voleybol Federasiyasından (AVF) AZƏRTAC-a verilən məlumata görə, buna bəzi oyunçuların səhhətində problem yaranması səbəb olub.
“Neftçi”nin AVF-yə ünvanladığı müraciətdə komandanın 6 oyunçusunda - Emin Abdullayev, Milad Salehi, Abdullah Azmun, Məhəmməd Nouruzi, Məhəmməd Abulhasani və Mohsen Vazehidə yüksək hərarət (Diaqnoz- Kəskin Respirator Xəstəlik, KRX) müşahidə edildiyi bildirilib. Federasiya yaranmış vəziyyəti nəzərə alaraq, qarşılaşmanın təxirə salınmasına qərar verib.
Bildirilib ki, oyunun keçirilmə vaxtı ilə bağlı əlavə məlumat veriləcək.
Bölmənin digər xəbərləri
