Volodimir Zelenski: Sülh dövründə Ukrayna rəhbərlik etmək niyyətində deyiləm
Kiyev, 25 sentyabr, AZƏRTAC
Ukrayna Prezidenti Volodimir Zelenski bəyan edib ki, sülh dövründə ölkəyə rəhbərlik etmək niyyətində deyil.
AZƏRTAC xəbər verir ki, Ukrayna Prezidenti bu barədə “Axios” nəşrinə müsahibəsində bildirib.
“Mənim məqsədim seçkiləri davam etdirmək yox, müharibəni bitirməkdir”, - deyə Zelenski əlavə edib.
Zelenski, həmçinin atəşkəs əldə olunarsa, Ukrayna parlamentindən seçkilərin təşkilini xahiş edəcəyinə söz verib. Bununla belə, o hesab edir ki, mövcud təhlükəsizlik vəziyyəti və Ukrayna Konstitusiyası müəyyən problemlər yaradır.
Buna baxmayaraq, Zelenski seçkilərin mümkünlüyünə inanır.
Prezident başa düşür ki, insanlar uzunmüddətli sülhə nail olmaq üçün vacib qərarları qəbul edəcək “yeni mandata malik lider” istəyə bilər.
"Atəşkəs zamanı düşünürəm ki, təhlükəsizlik seçkilərin keçirilməsini mümkün edə bilər. Bu, mümkündür", - deyə Zelenski bildirib.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
