Vüqar Qurbanov: İlk növbədə tibbi turizm xidmətini Yeni Klinika üzərindən həyata keçirməyi düşünürük
Bakı, 20 dekabr, AZƏRTAC
Tibbi turizmin ölkədə inkişafı ilə bağlı bir çox xarici dövlətlərlə əməkdaşlıq etmək üçün ilkin planlar hazırlanıb, müzakirələr aparılıb.
AZƏRTAC xəbər verir ki, bunu TƏBİB-in icraçı direktoru Vüqar Qurbanov jurnalistlərə açıqlamasında deyib.
O bildirib ki, bununla bağlı bir çox ölkələrin turizm şirkətləri və qurumları ilə danışıqlar aparılıb: "İstəyirik ki, vətəndaşlar tibbi xidmət üçün əvvəl xarici ölkələrə müraciət edirdilərsə, artıq Azərbaycanda bu imkanlar yaradılıb. İlk növbədə tibbi turizm xidmətini Yeni Klinika üzərindən həyata keçirməyi düşünürük. Çünki bu tibb müəssisəsi həm şərait, həm təchizat, həm də tibbi xidmətin göstərilməsi baxımından uyğundur. Gələn il üçün nəticələri görəcəyik. Həmçinin gələn ildən xaricdə olan həkimlərimizin çox hissəsi Azərbaycan səhiyyəsində xidmətini davam etdirəcək".
Bölmənin digər xəbərləri
