Xalq Artisti Eldəniz Zeynalovun xatirəsi yad olunacaq
Bakı, 25 oktyabr, AZƏRTAC
Oktyabrın 27-də Bakı Şəhər Mədəniyyət və Turizm Baş İdarəsinin təşkilatçılığı ilə Xalq Artisti Eldəniz Zeynalovun 80 illiyinə həsr olunmuş tədbir keçiriləcək.
İdarədən AZƏRTAC-a bildirilib ki, Mərdəkan Mədəniyyət Evində reallaşacaq tədbirdə sənətkarın həyat və yaradıcılığından, kinomuzun inkişafındakı xidmətlərindən danışılacaq. Tədbir çərçivəsində sənətkarın rol aldığı filmlərdən fraqmentlər də nümayiş olunacaq.
Yubiley gecəsində sənətkarla bir səhnəni paylaşmış tərəf müqabilləri, tanınmış elm, mədəniyyət və incəsənət xadimləri, habelə aktyorun ailə üzvləri iştirak edəcəklər.
Bölmənin digər xəbərləri
