XDİ/XSİ KOALİSİYASI TÜRKİYƏNİN AVROPA BİRLİYİNƏ ÜZVLÜYƏ QƏBUL OLUNMASININ ƏLEYHİNƏDİR
Bavariya əyalətinin baş naziri Edmund Ştoyber “Tageszeitung” qəzetinə verdiyi müsahibədə demişdir: “Biz - Xristian Demokratlar (XDİ-XSİ) Türkiyənin Avropa Birliyinə üzv qəbul edilməsinin tamamilə əleyhinəyik. Bununla biz Türkiyə kimi bir dövləti Birlikdən tamamilə təcrid etmək niyyətində də deyilik və qəti olaraq bildiririk ki, Avropa Birliyi Türkiyə ilə ərazisi qitə çərçivəsindən kənarda qalan bir ölkə kimi yüksək səviyyəli əməkdaşlıq, tərəfdaşlıq və dostluq münasibətlərini inkişaf etdirməlidir”.
O, bəyan etmişdir ki, Türkiyə ərazisinin böyük hissəsi Avropa qitəsindən kənarda yerləşir. Avropa qitəsi dövlətlərini birləşdirən Avropa Birliyi dövlətlər qurumunun formalaşması isə artıq başa çatmışdır. Biz “qırmızı-yaşıllar” koalisiyasının “Avropa Birliyinin sərhədləri hüdudsuzdur və Birlik tərkibinə digər qitə dövlətləri də təşrif buyura bilər” məntiqi və müddəasına üstünlük vermiş olsaq, onda Türkiyənin arxasınca sıraya düzlənmiş, Birliyə can atan digər Asiya ölkələrini, hətta Uzaq Şərqdən Yaponiyanı da Avropa Birliyinə üzvlüyə dəvət etməliyik.
Bölmənin digər xəbərləri
