XƏZƏR “LUKOYL”UN İKİNCİ XAMMAL BAZASI OLACAQDIR

04.02.2003 [14:00]
Çap et
A⁺ A^-

AZƏRTAC-ın “Novosti” agentliyindən aldığı xəbərdə deyilir ki, D-222 (Yalama) layihəsi üzrə İdarəetmə Komitəsi Bakıda keçirdiyi növbəti iclasında ötən il görülmüş işlərə yekun vurmuş və 2003-cü il üçün işlərin proqramının layihəsini və büdcəni müzakirə etmişdir. Həmçinin, komitə layihə üzrə ilk quyunun qazılması işlərinı 2005-ci ildən 2004-cü ilə keçirmişdir.

Hazırda quyunun qazılmasına hazırlıq işləri görülür. Onu dənizdə suyun dərinliyi 350 metr olan yerdə qazacaqlar. Bu quyunun dərinliyi 4,5 min metrə çatacaqdır.

Layihəni Azərbaycan Dövlət Neft Şirkəti (iştirak payı 40 faizdir) və “LUKOyl Oversiz Holdinq Ltd.” törəmə şirkəti (iştirak payı 60 faizdir) həyata keçirirlər. Layihənin operatoru “LUKOyl Oversiz”dir.

Xəzərin Rusiya sektoru ilə sərhəddə yerləşən D-222 dərin dəniz blokunun perspektiv karbohidrogen ehtiyatları təqribən 90 milyon tondur. “LUKOyl Oversiz” in geologiya üzrə vitse-prezidenti Anatoli Katoşin demişdir ki, “LUKOyl” Açıq Səhmdar Cəmiyyətinin strategiyasına uyğun olaraq, gələcəkdə Xəzər regionu əhəmiyyətinə görə şirkətin ikinci xammal bazasına çevrilməlidir.

XƏZƏR “LUKOYL”UN İKİNCİ XAMMAL BAZASI OLACAQDIR

MÜƏLLİFLƏ ƏLAQƏ

Bölmənin digər xəbərləri