XOCALI FACİƏSİ AVROPA UNİVERSİTETLƏRİNDƏ DƏ TANIDILIR
Bakı, 19 fevral (AZƏRTAC). Gənclər üçün Təhsil Mərkəzi Xocalı faciəsinin 18-ci ildönümü ilə bağlı fevralın 25-də Almaniyanın Kassel şəhərində ”Xocalı faciəsini tanıtım” adlı mərasim təşkil edəcəkdir. Məqsəd Kassel şəhərində təhsil alan tələbələrə, ziyalılara və yerli sakinlərə Xocalı faciəsi ilə əlaqədar həqiqətləri çatdırmaqdır.
Mərasimdə Azərbaycanın Almaniyadakı səfirliyinin nümayəndələri, Almaniya-Azərbaycan Forumunun rəhbəri Otto Hauzer, Hötengen, Leypsik, Marburq universitetlərinin müəllim və professor heyəti, Kassel Xristian Cəmiyyətinin, yerli bələdiyyənin üzvləri, Sosial-Demokratlar Partiyasından olan deputatlar, QHT-lərin və KİV-lərin nümayəndələri, tələbələr iştirak edəcəklər. Tədbirin təşkilində Gənclər üçün Təhsil Mərkəzinə Alman-Azərbaycan Dialoq Platforması və Almaniyadakı Türk Tələbələr Birliyi kömək edəcəklər.
Bölmənin digər xəbərləri
