Xocalı faciəsi beynəlxalq ədalətsizlikdir
London, 22 fevral (AZƏRTAC). Xocalı faciəsi beynəlxalq ədalətsizlikdir və belə hadisələrin təkrarlanmasına yol verilməməlidir.
Bu sözləri Exeterdə “Xocalı üçün ədalət” mövzusunda tədbirdə iştirak edən universitetin qanalı tələbəsi Joanna Appeby AZƏRTAC-a müsahibəsində demişdir.
Bildirmişdir ki, tədbirə dəvət edilməmişdən əvvəl soyqırımı haqqında kifayət qədər məlumatı yox idi. J.Appeby demişdir: “Artıq Xocalı soyqırımının nə qədər ciddi bir faciə olduğunu dərk edirəm. Yüzlərlə günahsız insanın amansızlıqla qətlə yetirilməsi bağışlanmaz cinayətdir. Azərbaycan diasporunun və xaricdəki Azərbaycan təşkilatlarının məsələni dünya ictimaiyyətinə çatdırmaq istiqamətində fəaliyyəti təqdirəlayiqdir. Tezliklə beynəlxalq ədalətin bərqərar olmasını ümid edirəm”.
Orxan İsmayılov
AZƏRTAC-ın xüsusi müxbiri
London
Bölmənin digər xəbərləri
