XOCALI FACİƏSİ BÜTÜN BƏŞƏRİYYƏTƏ QARŞI YÖNƏLMİŞ ƏN AĞIR CİNAYƏTLƏRDƏNDİR
Bakı, 17 fevral (AZƏRTAC). Fevralın 17-də “Səs” qəzetinin redaksiyasında Xocalı soyqırımının 18-ci ildönümünə həsr edilmiş tədbir keçirilmişdir.
“Səs” qəzetinin şöbə müdiri İ.Əliyev tarixən erməni qəsbkarları tərəfindən azərbaycanlılara qarşı həyata keçirilən vəhşiliklərdən danışmışdır. Bildirmişdir ki, 1992-ci il fevralın 25-dən 26-na keçən gecə Ermənistan silahlı qüvvələri keçmiş sovet ordusunun 366-cı motoatıcı alayının iştirakı ilə Xocalı şəhərini işğal etmiş, azərbaycanlılara qarşı soyqırımı törətmişlər.
Milli Məclisin deputatı Elman Məmmədov vurğulamışdır ki, Xocalı faciəsi erməni şovinist-millətçilərinin azərbaycanlılara qarşı müntəzəm həyata keçirdikləri etnik təmizləmə və soyqırımı siyasətinin davamı və ən qanlı səhifəsidir. Bu faciə təkcə Azərbaycan xalqına deyil, bütün insanlığa, bəşəriyyətə qarşı yönəlmiş ən ağır cinayətlərdən biridir.
Qeyd olunmuşdur ki, Ermənistanın hərbi-siyasi təcavüzü dünya ictimaiyyəti tərəfindən ittiham edilməlidir.
Bölmənin digər xəbərləri
