Xocali soyqırımı qurbanlarının xatirəsi yad olunacaqdır
Bakı, 18 fevral (AZƏRTAC). Fevralın 26-da Mədəniyyət İşçilərinin Hazırlığı və İxtisasartırma Mərkəzində Xocalı soyqırımının ildönümünə həsr olunmuş tədbir keçiriləcəkdir.
Tədbirdə İ.Əbilov adına mədəniyyət mərkəzinin nəzdində fəaliyyət göstərən “Vurğun” poeziya teatrının ifasında ədəbi-bədii kompozisiya nümayiş olunacaqdır.
Mədəniyyət mərkəzindən AZƏRTAC-a bildirmişlər ki, hazırda poeziya teatrının yaradıcı kollektivi nümayiş olunacaq kompozisiya üzərində işləyir. Onlar bu faciənin dəhşətlərini, xalqımızın başına gətirilmiş müsibətləri səhnəcik vasitəsilə bir daha iştirakçıların diqqətinə çatdırmağa çalışacaqlar.
Bölmənin digər xəbərləri
