XOCALI SOYQIRIMININ 15-Cİ İLDÖNÜMÜNƏ HƏSR OLUNMUŞ TURNİR KEÇİRİLMİŞDİR
AZƏRTAC xəbər verir ki, Xocalı faciəsinin 15-ci ildönümü ilə əlaqədar fevralın 23-də Azərbaycan Dövlət Bədən Tərbiyəsi və İdman Akademiyasının tirində güllə atıcılığı üzrə “Mahir nişançı” turniri keçirilmişdir.
Akademiyanın akt zalında keçirilən açılış mərasimində bu ali təhsil ocağının rektoru, Milli Məclisin deputatı Ağacan Əbiyev, gənclər və idman nazirinin müavini İntiqam Babayev və başqaları XX əsrdə xalqımızın başına gətirilmiş Xocalı soyqırımını bəşəriyyət tarixinin ən ağır cinayətlərindən biri olduğunu xatırlatmışlar.
Bildirilmişdir ki, yarışın keçirilməsindən məqsəd gənclərə vətənpərvərlik ruhunu aşılamaq, onların hərbi fiziki hazırlığını yoxlamaqdır.
Pnevmatik tapançadan atəş açma üzrə keçirilən yarışda 20 ali və orta ixtisas məktəbinin tələbə və şagirdləri iştirak etmişlər.
Bölmənin digər xəbərləri
