XOCALIYA HƏSR OLUNMUŞ TƏDBİR KEÇİRİLƏCƏKDİR
Bakı, 20 fevral (AZƏRTAC). Fevralın 22-də Azərbaycanın görkəmli yazıçısı Məmməd Səid Ordubadinin Xatirə Muzeyində Xocalı soyqırımının ildönümünə həsr edilmiş tədbir keçiriləcəkdir.
Tədbirdə “Günay” Uşaq Teatrının kollektivi 2006, 2007, 2008-ci illərdə “İlin qadın şairi” nominasiyalarının qalibi Zərəngiz Dəmirçi Qayalının Xocalı faciəsinə həsr olunmuş “Cavab ver” poeması əsasında hazırladığı eyni adlı tamaşanı təqdim edəcəkdir.
Tamaşa Mədəniyyət və Turizm Nazirliyinin dəstəyi ilə göstəriləcəkdir.
Səhnə əsərinin quruluşçu rejissoru L.Tarusova, bədii tərtibatçısı Günəş Talıblıdır.
Bölmənin digər xəbərləri
