Xocavəndlilər ağacəkmə aksiyası keçirmişlər
Beyləqan, 20 aprel (AZƏRTAC). Beyləqan rayonu ərazisində Xocavəndli məcburi köçkünlərin məskunlaşdığı Xocavənd qəsəbəsində ağacəkmə aksiyası keçirilmişdir.
Rayonun əmək kollektivlərinin nümayəndələri, sakinlər ekoloji mühitin sağlamlaşdırılması məqsədi ilə keçirilən tədbirdə fəal iştirak etmişlər. İməcilik zamanı əraziyə 250 xan çinarı əkilmiş, həmçinin qəsəbədə abadlıq-təmizlik işləri görülmüş, ötən il əkilmiş ağaclara qulluq edilmişdir.
Ötən il keçirilən iməciliklər zamanı xocavəndli məcburi köçkünlərin məskunlaşdığı ərazilərdə 5 mindən çox ağac əkilmişdir.
Bölmənin digər xəbərləri
