Xorvatiyada qocalar evində beş nəfər qətlə yetirilib
Bakı, 22 iyul, AZƏRTAC
Xorvatiyanın Daruvar şəhərində qocalar evinə hücum edən şəxs beş nəfəri güllələyərək qətlə yetirib.
AZƏRTAC xəbər verir ki, HRT telekanalının məlumatına görə, silahlı qocalar və əlillər evinə daxil olaraq oradakı insanları atəşə tutub. Nəticədə beş nəfər hadisə yerində ölüb, bir neçə nəfər isə yaralanıb. Yaralılar yaxınlıqda yerləşən xəstəxanalara aparılıb.
Yerli media cinayətkarın polis tərəfindən saxlanıldığını yazıb. Xorvatiya Daxili İşlər Nazirliyi hələlik insidentlə bağlı rəsmi açıqlama verməyib.
Bölmənin digər xəbərləri
