İDMAN
XV Avropa Gənclər Olimpiya Festivalında velosiped idmanı üzrə oğlanlar arasında yarışlar başa çatıb
Bakı, 23 iyul, AZƏRTAC
Bakıda keçirilən XV Avropa Gənclər Olimpiya Festivalında velosiped idmanı üzrə oğlanlar arasında yarışlar başa çatıb.
AZƏRTAC xəbər verir ki, fərdi şose yürüşündə (10 km) 30 ölkədən 95 idmançı medallar uğrunda mübarizə aparıb. Yığma komandamızın tərkibinə Nofəl Nuriyev, Nikita Sitov və Mustafa Muxtarlı daxil olublar.
Yürüşün qalibi Estoniya idmançısı Madis Mixkels olub. İtaliyalı Dario İqor Belletta gümüş medal qazanıb, üçüncü yeri isə rusiyalı Konstantin Aladaşvili tutub.
Xatırladaq ki, səhər qızlar arasında keçirilən fərdi şose yürüşündə (10 km) Zoe Bakstedt (Böyük Britaniya) qızıl, Alena İvançenko (Rusiya) gümüş və Laura Sander Lizette (Estoniya) bürünc medalların sahibləri olublar.