Yaddaş modullarının tədarükü ilə bağlı çətinliklər: smartfonların qiyməti bahalaşır
Bakı, 17 noyabr, AZƏRTAC
Yaddaş modullarına artan tələbat səbəbindən bütün dünyada smartfonların qiyməti bahalaşacaq.
AZƏRTAC xəbər verir ki, Sina agentliyinin məlumatına görə, Çinin bütün smartfon istehsalçıları yaddaş modullarının tədarükü ilə bağlı çətinliklərlə üzləşib.
Mütəxəssislərin fikrincə, gələcəkdə smartfonların keyfiyyəti ya aşağı düşəcək, ya da qiymətləri artacaq.
Eyni zamanda bildirilir ki, ən böyük yaddaş istehsalçıları – “Micron”, “Samsung” və “Kioxia” şirkətləri öz avadanlıqlarının qiymətini artırmaq üçün NAND modullarının istehsalını azaldıblar.
Qeyd edək ki, oktyabrın sonunda “Xiaomi” smartfonların qiymətlərinin artdığını açıqlayıb. Şirkətdən verilən məlumata görə, smartfonların bahalaşması yaddaş modullarının qiymətlərinin artması ilə bağlıdır.
Bölmənin digər xəbərləri
