“YAHOO” ŞİRKƏTİNİN AVROPA VƏ KANADA NÜMAYƏNDƏLİKLƏRİNİN DİREKTORU İSTEFA VERMİŞDİR
AZƏRTAC xarici KİV-lərə istinadla xəbər verir ki, “Yahoo”nun icraçı direktoru Cerri Yanqın şirkəti tərk etməsindən heç iki həftə keçməmiş qurumun Avropa və Kanada nümayəndəlikləri də rəhbərsiz qalmışdır. Bildirilir ki, “Yahoo”nun icraçı vitse-prezidenti və Avropa, eləcə də Kanada nümayəndəliklərinin direktoru Tobi Koppel vəzifəsindən istefa verdiyini elan etmişdir.
Tobi Koppel demişdir ki, vəzifəsindən getdikdən sonra bir müddət vaxtını ailəsinə həsr etməyi planlaşdırır, yeni şirkət yaratmaq və ya digər qurumun sıralarına daxil olmaq niyyətində deyildır.
“Yahoo”nun sıralarına 2001-ci ildə qoşulmuş Tobi Koppel son il yarımda şirkətin rəhbər orqanlarında çalışmışdır.
Maraqlıdır ki, bu həftə “Yahoo”nun internet-axtarış bölməsinin rəhbəri Şon Zuker də buradakı vəzifəsini tərk edərək, “Microsoft” şirkətinin sıralarına daxil olmuşdur.
Bölmənin digər xəbərləri
