YAP ASTARA RAYON TƏŞKİLATININ TOPLANTISI KEÇİRİLMİŞDİR
AZƏRTAC-ın müxbiri xəbər verir ki, toplantını rayon təşkilatının sədri Əliheydər Həmzəyev açaraq müzakirə olunan məsələlər barədə iştirakçılara məlumat vermişdir.
Azərbaycan Demokratik Cumhuriyyətinin 86-cı ildönümü haqqında məruzə ilə çıxış edən Ə.Həmzəyev bu tarixi günün xalqımızın şanlı səlnaməsində rolundan, dövlətçilik ənənələrinin yaradılmasında əhəmiyyətindən söhbət açmışdır. O, Azərbaycan yenidən müstəqillik əldə etdikdən sonra ölkəmizin ictimai–siyasi həyatında baş verən hadisələr haqqında məlumat vermiş, ulu öndərimiz Heydər Əliyevin müstəqilliyimizin qorunmasında, onun inkişaf etdirilməsində və ölkəmizin dünya sivilizasiyasına qovuşmasında misilsiz xidmətlərini diqqətə çatdırmışdır.
Natiqlər 28 may – Respublika gününün, ölkəmizin hər yerində olduğu kimi, Astara rayonunda da böyük əhval–ruhiyyə ilə qeyd olunduğunu qeyd etmiş, xalqımızın bugünkü firəvan həyata qovuşmasında Heydər Əliyev siyasi xəttinin layiqli davamçısı Prezident İlham Əliyevin məqsədyönlü fəaliyyətini yüksək dəyərləndirmişlər.
Toplantıda YAP-ın Astarada keçiriləcək V konfransına hazırlığın vəziyyəti, partiya sıralarına qəbul məsələləri və ərazi ilk partiya təşkilatlarının fəaliyyəti ətraflı müzakirə olunmuşdur.
Bölmənin digər xəbərləri
