Yasamal rayonunda 8 ağac naməlum şəxslər tərəfindən kəsilib
Bakı, 10 avqust, AZƏRTAC
Ekologiya və Təbii Sərvətlər Nazirliyinin “Qaynar Xətt”inə Bakı şəhəri Yasamal rayonu, Ş.Mehdiyev küçəsi 3 ünvanında ağacların kəsilməsi ilə bağlı daxil olan şikayəti nazirliyin əməkdaşları yerində araşdırıblar.
Nazirliyin mətbuat xidmətindən AZƏRTAC-a bildirilib ki, araşdırma zamanı həmin ünvanda səkkiz müxtəlifcinsli və diametrli meyvə ağaclarının naməlum şəxslər tərəfindən qanunsuz kəsilməsi faktı aşkar olunub. Nazirliyin əməkdaşları faktla bağlı akt tərtib ediblər. Təqsirkarların müəyyənləşdirilməsi və barələrində qanunauyğun tədbirlərin görülməsi məqsədilə Yasamal Rayon Polis İdarəsinə müraciət edilib.
Bölmənin digər xəbərləri
